Գերմանիայի կառավարությունը հայտարարել է, որ փախստականների օգտին նոր եվրոպական հարկ չի գանձվելու։ Այս մասին հաղորդում է Deutsche Welle-ն։

«Մեր դիրքորոշումն անփոփոխ է մնում։ Մենք մտադիր չենք Գերմանիայում բարձրացնել հարկերը կամ ԵՄ երկրներում նոր հարկեր սահմանել»,- ասել է Գերմանիայի կառավարության ներկայացուցիչ Շտեֆեն Զայբերթը։

Նշենք, որ Süddeutsche Zeitung գերմանական թերթն ավելի վաղ գրում էր, թե Բեռլինն ու Եվրահանձնաժողովը քննարկում են «փախստականների օգտին» նոր հարկ մտցնելու հնարավորությունը, փոխանցում է Gazeta-ն։