Իրանի խորհրդարանը օրենք է ընդունել, որի համաձայն՝ ուժի մեջ է մտնում «վեցնյակի» հետ կնքած միջուկային համաձայնագիրը։ Այս մասին հաղորդում է Reuters-ը՝ վկայակոչելով իրանական IRNA գործակալությունը։

Անցյալ շաբաթ  Իրանի խորհրդարանը հավանություն էր տվել օրինագծին, որը կառավարությանը թույլ է տալիս կատարել միջուկային համաձայնագրի պայմանները։ Հաղորդվում էր, որ օրենքը վերջնականապես կընդունվի բոլոր նրբությունները քննարկելուց հետո, փոխանցում է Gazeta-ն։

Հիշեցնենք, որ հուլիսին Իրանն ու «վեցնյակը» համաձայնության էին եկել միջուկային ծրագրի շուրջ։ Նախագահ Ռոհանին հայտարարել էր, որ համաձայնագիրը պատերազմի դեմ տարած հաղթանակի հիանալի օրինակ է։