«Նուբարաշեն» քրեակատարողական հիմնարկում շարունակում են հացադուլը 45 ցմահ դատապարտյալ: Այս մասին NEWS.am-ին ասաց ԱՆ ՔԿՎ հանրային կապերի բաժնի պետ Գոռ Ղլեչյանը:
Նա հայտնեց, որ հացադուլավորների վիճակը նորմալ է:
«45 հացադուլավորներից 8-ը գրավոր հայտնել են հացադուլի մասին, իսկ մնացած 37-ը բանավոր են ասել, որ հրաժարվում են սնունդ ընդունել»,- ասաց Գոռ Ղլեչյանը:
Նշենք, որ դատապարտյալները հացադուլ են սկսել հոկտեմբերի 12-ից: Նրանք պահանջում են գործերի վերանայում: