Նախորդ տարվա սեպտեմբերի համեմատ՝ 2015թ. սեպտեմբերին Հայաստանում ԱՄՆ դոլարն արժեւորվել է 18 տոկոսով: Այս մասին այսօր՝ հոկտեմբերի 14-ին, լրագրողների հետ հանդիպմանն ասաց Ազգային վիճակագրական ծառայության գների վիճակագրության և միջազգային համադրումների բաժնի պետ Գուրգեն Մարտիրոսյանը:
«ԱՄՆ դոլարի փոխարժեքը վերջին ամիսներին ունեցել է գնաճի միտում, մասնավորապես, հուլիս-օգոստոսին արձանագրվել է 0,5 տոկոս գնաճ, իսկ սեպտեմբերին՝ 0,3: Ինը ամսվա կտրվածքով ԱՄՆ դոլարն արժեւորվել է 3,8 տոկոսով, իսկ նախորդ տարվա սեպտեմբերի համեմատ՝ 18 տոկոսով»,- ասաց Գուրգեն Մարտիրոսյանը:
Դրան հակառակ, եվրոն վերջին 9 ամիսների կտրվածքով արժեզրկվել է 5,3 տոկոսով, այդ թվում, օգոստոսին՝ 1,2 տոկոսով, սեպտեմբերին՝ 1,1 տոկոսով: