Ռուսական Սու-24М-երը Սիրիայի Հալեպ քաղաքի տարածքում ոչնչացրել են մահապարտ ահաբեկիչների արհեստանոցները, տեղեկացնում է «ՌԻԱ Նովոստին»՝ ներկայացնելով Ռուսաստանի պաշտպանության նախարարի պաշտոնական ներկայացուցիչ Իգոր Կոնաշենկովի հայտարարությունը։
«Հալեպ քաղաքի շրջանում Սու-24М ռմբակոծիչներով կետային հարվածներ են հասցվել այն օբյեկտներին, որոնցում գրոհայինները պայթուցիկ սարքեր էին պատրաստում եւ դրանք տեղադրում մահապարտ ահաբեկիչների մեքենաների վրա», - ասել է Կոնաշենկովը։
Տեսչության տեղեկությունների համաձայն, նախատեսված էր մեքենաներն օգտագործել սիրիական քաղաքներում եւ բնակավայրերում ահաբեկչական գործողություններ իրականացնելու, ինչպես նաեւ կառավարական բանակի դիրքերի վրա հարձակվելու համար։
