ԲՀԿ Արմավիրի մարզի տարածքային կառույցի պատասխանատու, պատգամավոր Արայիկ Աղաբաբյանը, որը 2015թ. մարտին իր դիմումի համաձայն լքել էր «Բարգավաճ Հաայստան» կուսակցությունը, կրկին անդամագրվել է կուսակցությանը: Այս մասին այսօր՝ նոյեմբերի 4-ին, NEWS.am-ի հետ զրույցում ասաց ԲՀԿ մամուլի խոսնակ Վահան Բաբայանը:
«Արայիկ Աղաբաբյանը ժամանակին դիմում էր գրել «Բարգավաճ Հաայստան» կուսակցությունից դուրս գալու համար, սակայն կուսակցության տարածքային սկզբնական կազմակերպությունում չէր քննարկվել այդ հարցը, եւ վերջերս Արայիկ Աղաբաբյանը կրկին դիմում է ուղղել տարածքային կազմակերպություն, որպեսզի իր այդ դիմումը չեղյալ հայտարարվի: Տարածքային կառույցը, հարգելով Աղաբաբյանի փորձը, բավարարել է այդ դիմումը, եւ Արայիկ Աղաբաբյանը վերականգնվել է կուսակցության անդամի կարգավիճակում»,- ասաց Վահան Բաբայանը:
