Բելգիայի վարչապետ Շառլ Միշելը մամուլի ասուլիսի ժամանակ հայտնել է, որ Բրյուսելում ահաբեկչության սպառնալիքի ամենաբարձր մակարդակի ռեժիմը երկարաձգվել է եւս մեկ շաբաթով։ Այս մասին հայտնում է Lenta-ն՝ վկայակոչելով BBC News-ը։
Նրա խոսքով՝ Բելգիայում Փարիզի ահաբեկչությունների նման հարձակումների վտանգը լուրջ է մնում։ «Մենք հաստատում ենք սպառնալիքի 4-րդ մակարդակը, հետեւաբար հասարակական միջոցառումների քանակը քաղաքում պակասել է։ Դա անհրաժեշտ է մեր քաղաքացիների անվտանգության ապահովման համար։ Նման միջոցների շնորհիվ մենք կմեծացնենք ոստիկանների թիվը, որոնք կարող են ներկա լինեն տեղերում, որոնք պաշտպանության կարիք ունեն»,- ասել է Միշելը։
Նա միաժամանակ նշել է, որ դպրոցներն ու մետրոն կգործեն նոյեմբերի 24-ից։