Հարավային Կորեայի 10 քաղաքացի ուղղակիորեն կապված են «Իսլամական պետություն» խմբավորման հետ, հաղորդում է «Ռենհալ» գործակալությունը՝ վկայակոչելով երկրի հետախուզության տվյալները:
«Երկրի ներսում 10 անձ է հայտնաբերվել, որոնք ոչ թե պարզապես կողմնակից են ԻՊ-ին, այլ կոնկրետ կապեր ունեն նրանց հետ»,-Հարավային Կորեայի հետախուզական ծառայությունների տվյալներն է մեջբերում գործակալությունը, հաղորդում է «ՌԻԱ նովոստին»:
Ավելի վաղ նշվել էր, որ Հարավային կորեայի իշխանությունները վերջին մի քանի տարիներին երկրից արտաքսել են 48 օտարերկրացիների, մտավախություն ունենալով, որ նրանք առնչություն ունեն միջազգային ահաբեկչությանը: Բացի այդ, վերջերս կալանավորվել է Ինդոնեզիայի մի քաղաքացի, որի մոտ կեղծ անձնագիր է եղել, եւ նա ենթադրաբար, կապ է ունեցել «Ալ Կաիդա» խմբավորման ցանցի հետ:
Հարավային Կորեայի նախագահ Պակ Կըն Հեն կոչ է արել ահաբեկչությանը հակազդող օրենքներ ընդունել:
