![](img/news/29/80/15/default.jpg)
Բելգիայում 130 գրոհային կա, որոնք անցել են Սիրիայի պատերազմի միջով: Նրանցից 85 –ը ծնվել կամ մշտապես ապրում են Բրյուսելի հյուսիսարեւմտյան Մոլենբեք թաղամասում, որը գերազանցաբար Հյուսիսային Աֆրիկայից եկածներով է բնակեցված: Այս մասին նոյեմբերի 24-ին հայտնել է Բելգիայի արդարադատության նախարարը Քոհեն Գենսը:
«Սիրիայից վերադարձած ու Բելգիայի տարածքում գտնվող 130 մարդկանցից 85-ը Մոլենբեք թաղամասի մշտապես բնակիչ է »,- նշել է նա:
Նոյեմբերի 13-ին Փարիզում ահաբեկչական գործողություններ կատարած մահապարտներից առնվազն երեքը այդ համայնքի բնակիչներ են եղել: Այդտեղ է ապրել նաեւ այդ ահաբեկչություններին մասնակցության մեջ գլխավոր կասկածյալ Սալահ Աբդեսլամը, որի նկատմամբ միջազգային որոնում է հայտարարված:
Բրյուսելն արդեն երրորդ օրն է ապրում է հակաահաբեկչական անվտանգության ամենաբարձր՝ չորրորդ մակարդակի պայմաններում: Փակվել են մետրոն, բոլոր ուսումնական հաստատությունները, խոշոր առեւտրային ու ժամանցային կենտրոնները, թանգարանները: