«Իսլամական պետություն» ահաբեկչական խմբավորումը վերջին 8 ամիսների ընթացքում «սեւ շուկայում» Թուրքիային է վաճառել Իրաքի նավթն ու գազը։ Այս մասին հայտարարել է Իրաքի ազգային անվտանգության գծով նախկին խորհրդական Մուվաֆաք ար Ռուբային, հաղորդում է «ՌԻԱ նովոստին»։
«Նախորդ 8 ամիսների ընթացքում «սեւ շուկայում» Թուրքիային 800 մլն դոլարի նավթ ու գազ է վաճառվել։ Ընդ որում, վաճառվել է համաշխարհային շուկայում նավթի ու գազի գների 50 տոկոսը կազմող գներով»,-ասել է ար Ռուբային։ Նա այդ վաճառքն անվանել է «թթվածին, որով սնվում է ԻՊ-ը»։