![](img/news/29/94/96/default.jpg)
Իրաքի հարավային Քերբալա քաղաքում շիա ժողովրդական աշխարհազորի կամավորները 5 մահապարտների են ոչնչացրել, որոնք ցանկանում էին շիա ուխտավորների բազմության մեջ պայթեցնել իրենց: Այս մասին այսօր՝ դեկտեմբերի 2-ին, իրաքյան «Ալ Սումարիա Նյուզ» հեռուստաալիքին հայտնել է անվտանգության ուժերի աղբյուրը:
«Այսօր առավոտյան «Հըզբոլլահ»-ի գումարտակ» շարժման մարտիկները ավելի քան մեկ ժամ փոխհրաձգության մեջ են եղել 5 մահապարտների հետ, որոնք մտադիր էին շրջապատել Քերբալա ուղեւորվող ուխտավորներին եւ պայթեցնել իրենց»,-ասել է աղբյուրը: Միաժամանակ, ուխտավորներից ոչ մեկը չի տուժել, հաղորդում է «ՌԻԱ Նովոստին»:
Նշենք, որ «Հըզբոլլահի գումարտակը» եւ շիա ժողովրդական աշխարհազորի այլ խմբավորումները պահպանում են ուխտավորների ճանապարհը, որոնք ոտքով գնում են Քերբալա՝ տառապյալ իմամ Հուսեյնի (Մուհամեդ մարգարեի թոռն է) գերեզմանին այցելության: