Ավետիսյանների հարազատները մեղադրյալ Վալերի Պերմյակովին անեծքներով դիմավորեցին։

Դատական նիստը դեռ չմեկնարկած՝ արդեն միջադեպ գրանցվեց։ Կես ժամ ուշացումով դատարանի դահլիճ բերված մեղադրյալի հասցեին  Ավետիսյանների հարազատները անեծքներ թափեցին։ Դատարանի դահլիճը նախորդ նիստի պես լեփ-լեցուն է։

Դատավոր Հարություն Մովսիսյանը դատական նիստը բացված հայտարարեց։ Այդ ժամանակ լրագրողներն ու տուժածների իրավահաջորդների շահերը ներկայացնող փաստաբանները նշեցին, որ դատական կատարածուները խոչընդոտում են օպերատորների աշխատանքը։

Դատարանը սկսել է ինքնաբացարկի մասին միջնորդության առկայության կապակցությամբ կողմերի կարծիքների պարզաբանումը։