Գիտնականները պարզել են, որ Լուսինը ձեւավորվել է Երկիր եւ Թեա մոլորակների ճակատային բախման հետեւանքով երկրագնդի ձեւավորվելուց մոտ 100 մլն տարի հետո։
Ավելի վաղ կարծիք կար, որ մոլորակների բախումը տեղի է ունեցել 45 աստիճան անկյան տակ՝ շոշափող գծով։ Science ամսագրում հրապարակած վերջին հետազոտությունների համաձայն՝ գեոքիմիկոսներն ուսումնասիրել են «Ապոլոն 12», «Ապոլոն 15» եւ «Ապոլոն 17» էքսպեդիցիաների կողմից Լուսնից Երկիր բերած ապարների 7 նմուշ եւ Արիզոնայի նահանգի ու Հավայան կղզիների հրաբխային ապարները։ Հետազոտողները Երկրի արբանյակի ապարներում հայտնաբերել են թթվածնի իզոտոպներ, որոնք բնորոշ են բացառապես Երկիր մոլորակին, փոխանցում է Gazeta-ն։
«Մենք լուսնային եւ երկրային ապարների միջեւ ոչ մի տարբերություն չենք գտել։ Եթե բախումը տեղի ունեցած լինել շոշափող գծով, ապա տիեզերական մարմինների քիմիական բաղադրությունը տարբեր կլիներ։ Լուսնի մեծ մասը բաղադրությամբ նման կլիներ Տեային»,-ասել է հետազոտության հեղինակ Էդվարդ Յանգը։
