Ինդոնեզիայի Կենտրոնական Ճավայի նահանգում անորակ ալկոհոլ օգտագործելու պատճառով առնվազն 24 մարդ է մահացել։ Մի քանի տուժածներ դեռ հիվանդանոցում են, հայտնում է Lenta –ն՝ վկայակոչելով BBC News-ը։
Թունդ ալկոհոլային խմիչքները, որոնք կարող էին թունավորման պատճառ դառնալ, վաճառել էին Ջոգյակարտա քաղաքում բնակվող ամուսինները։ Ալկոհոլային խմիչքն ստացել էին էթիլ սպիրտից, ջրից եւ մրգերից։ Ամուսինները ձերբակալված են։
2015թ. Ինդոնեզիայում, որի բնակչության 87 տոկոսը մուսուլման է, արգելել էին ալկոհոլ վաճառել փոքր խանութներում։ Օրենքի ընդդիմադիրը հայտնել էին, որ դրա պատճառով շատերը սկսելու են ապօրինի արտադրության խմիչք գնել։