![](img/news/31/08/95/default.jpg)
Համաշխարհային բանկը մինչեւ 2016-ի հունիսը որոշում կկայացնի Ադրբեջանին Բաքու-Շեմախա ավտոճանապարհի ընդլայնման համար 140 մլն դոլարի լրացուցիչ ֆինանսավորում հատկացնելու վերաբերյալ: Այդ մասին Trend-ին հայտնել են Բաքվում ՀԲ-ի ներկայացուցչությունից:
«Ադրբեջանի կառավարությունը պաշտոնական հարցումով դիմել է ՀԲ-ին` Բաքու-Շեմախա ավտոճանապարհը մինչեւ չորս գիծ ընդլայնելու նպատակով լրացուցիչ ֆինանսավորման համար: Որոշումը կկայացվի մինչեւ ընթացիկ ֆինանսական տարվա ավարտը (ՀԲ-ի ֆինանսական տարին ավարտվում է հունիսի 30-ին)», - ասել են ներկայացուցչությունից:
Ակնկալվում է, որ վարկի վերաբերյալ պաշտոնական բանակցությունները կընթանան մարտին:
Բաքու-Շեմախա ավտոճանապարհի վերակառուցման աշխատանքներն իրականացվում են ավտոմայրուղիների վերակառուցման երրորդ նախագծի շրջանում: