Հնդկաստանի Մադհյա Պրադեշ նահանգի Ճերհեթ քաղաքի 32-ամյա բնակչուհին ոստիկանություն է տարել իր եղբոր ամուսնու մանգաղով կտրված առնանդամը: Պարզվել է, որ ամուսնու բացակայության ժամանակ վերջինիս եղբայրը բռնաբարել է կնոջը: Ինչ-որ պահի կինը չի դիմացել կտրել է բռնարարի առնանդամն ու օգնության համար վազել ոստիկանություն:
Նա հայտնել է, որ առնանդամն իր հետ բերել է որպես իրեղեն ապացույց, որ ամուսնու եղբայրը իր հետ սեքսուալ բնությի գործողություններ է իրականացրել, հաղորդում է «Մոսկովսկի կոմսոմոլեցը»՝ վկայակոչելով Times of India-ն:
Կինը պատմել է, որ ամուսինը արտագնա աշխատանքի է մեկնել Նաշիկ քաղաք, եւ ինքը ստիպված է եղել երկար ժամանակ ապրել ամուսնու եղբոր հետ: Վերջինս սկսել է սեռական բնույթի գործողությունների դիմել, որը տեւել է մի քանի օր, մինչեւ դժբախտ կինը որոշել է մեկընդմիշտ դադարեցնել ծաղր ու ծանակը:
Նա նախապես մանգաղը թաքցրել է եւ ասել տղամարդուն, որ համաձայն է սեռական կապին, իսկ հետո հարմար պահի մանգաղով կտրել է տղամարդու առնանդամի մի մասը: Կինը ոստիկանությունում հայտարարել է, որ այլ ճանապարհ չի ունեցել բռնաբարություններին վերջ տալու համար:
Ոստիկանությունը որոշել է ստուգում իրականացնել եւ օգնություն ցուցաբերել տղամարդուն, սակայն օգնության կարիք չի եղել, քանի որ նա, լավ իմանալով Հնդկաստանի խիստ օրենքները բռնաբարությանը համար, ինքնասպան է եղել՝ կախվելով ծառից:
