Երեւանի Պռոշյան փողոցի տներից մեկում փետրվարի 10-ին բռնկված հրդեհն, ամենայն հավանականությամբ, առաջացել է հոսանքից: Այս մասին այսօր՝ փետրվարի 13-ին, NEWS.am-ի հետ զրույցում ասաց տան բնակիչներից 22-ամյա Գեւորգ Քոչարյանը:
«Երեւի հոսանքից է առաջացել, որովհետեւ այլ տարբերակներ չկան: Չնայած դեռ չեն պարզել պատճառը, բայց ես կարծում եմ, որ հոսանքից է առաջացել»,-ասաց Գեւորգը:
Ավելի վաղ NEWS.am-ի հետ զրույցում Գեւորգ Քոչարյանը նշել էր, որ տանը բնակվում են ինքն ու իր պապիկը, հրդեհի պահին քնած են եղել՝ ինքը գտնվել է տան երկրորդ հարկում, իսկ նրա պապիկը՝ առաջին, որտեղից էլ սկսվել է հրդեհը:
Ավելի վաղ տեղեկացրել էինք, որ փետրվարի 10-ին, ՀՀ ՏԿԱԻՆ ահազանգ է ստացվել, որ Երեւանի Պռոշյան փողոցի տներից մեկում հրդեհ է բռնկվել:
Այրվել են տան խոհանոցը, սանհանգույցը՝ գույքով (մոտ 6 քմ) եւ մասամբ հյուրասենյակի կախովի առաստաղը (մոտ 4 քմ):