LifeNews-ի http://lifenews.ru/ տրամադրության տակ են հայտնվել բացառիկ կադրեր Ճանապարհային երթեւեկության անվտանգության պետական տեսչության Ջեմիքենտի կետում տեղի ունեցած ահաբեկչության վայրից. այն գտնվում է Դաղստանում Դերբենտից 15 կմ հեռավորության վրա: Պայթյունի հետեւանքով մեկ ոստիկան զոհվել է, երեքը վնասվածքներ են ստացել: Աղբյուրների տվյալներով, նրանցից երկուսը գործուղվել էին այլ շրջաններից:
«Այսօր Դաղստանի Հանրապետության Դերբենտի շրջանում ճանապարհային պարեկության ծառայության կետի մոտ «Լադա-Պրիորա» մեքենայի պայթյուն է տեղի ունեցել: Պայթյունի հետեւանքով երկու մարդ տարբեր աստիճանի վնասվածքներ է ստացել, ճշտել են ՌԴ Դաղստանի Հանրապետության ՔԿՔՎ-ից: Տվյալ փաստով Ռուսաստանի Դաշնության Դաղստանի Հանրապետության Քննչական կոմիտեի քննչական օրգանները քրեական գործ են հարուցել»:
Հիշեցնենք, որ արտակարգ պատահարը տեղի է ունեցել մոտավորապես առավոտյան 9-ին: Հաղորդվել է նաեւ, որ պայթուցիկով լցոնված «գազելը» մոտեցել է ոստիկանական անցակետին եւ պայթել է: