Ռուսաստանի հետ լարվածությունը չպետք է արտացոլվի Ռուսաստանից եկող զբոսաշրջիկների թվի վրա։ Նման հայտարարություն է արել Թուրքիայի վարչապետ Ահմեդ Դավութօղլուն։
Թուրքական Gunes.com կայքի փոխանցմամբ՝ Թուրքիայի վարչապետն անհանգստություն է հայտնել, որ Ռուսաստանի հետ լարվածության պատճառով ռուսները դադարել են այցելել Թուրքիա։ « Ժողովուրդների հետաքրքրությունները, նախասիրությունները քաղաքական որոշումով չես կարող փոխել։ Ռուս զբոսաշրջիկները գալիս էին Թուրքիա ու սիրում մեր երկիրը։ Նրանք Թուրքիան ամենահանգիստ տեղն էին համարում։ Զբոսաշրջիկների ցանկությունները քաղաքական որոշումով արգելելը ոչ մի իշխանության օգուտ չի տա։ Իհարկե, մենք ցանկանում ենք, որ ռուս-թուրքական հարաբերությունները կարգավորվեն, սակայն դա միակողմանի չի կարող լինել։ Մենք պետք է Ռուսաստանից եկող զբոսաշրջիկներին ամենալավ ձեւով հյուրընկալենք, որ ամբողջ աշխարհին ցույց տանք, թե ինչ մեծ սիրտ ունեցող ժողովուրդ ենք»,-ասել է Դավութօղլուն։