Թուրքիան, ռուսական կողմին մերժելով Բաց երկնքի մասին պայմանագրի շրջանակում իր տարածքի վրայով դիտորդական թռիչքի թույլտվությունը, փորձում է թաքցնել Սիրիայի հետ սահմանին անօրինական ակտիվությունը, հայտնել է ՌԴ ԱԳՆ-ի պաշտոնական ներկայացուցիչ Մարիա Զախարովան, տեղեկացնում է ՏԱՍՍ-ը:
«Անկարան իրավունք չուներ մերժել իր տարածքի վրայով դիտորդական առաքելության իրականացումը,-նշել է նա: Հրաժարումը վկայում է թուրքական կողմի ձգտման մասին` թաքցնել ինչ-որ ակտիվություն, որն առկա է այն շրջաններում, որոնց վրայով պիտի թռչեր ռուսաստանյան ինքնաթիռը»:
Դիվանագետն ուշադրություն է դարձրել այն բանին, որ Անկարայում պնդում են, իբր Թուրքիայի եւ Սիրիայի սահմանին անօրինական գործունեության մասին Մոսկվայի հայտարարություններն անհիմն են: «Դա հրաշալի առիթ էր ամեն ինչ պարզելու եւ փակելու այդ հարցը», - ընդգծել է ՌԴ ԱԳՆ-ի ներկայացուցիչը:
«Քանի որ մեզ մերժեցին, ուրեմն թաքցնելու բան կա, իսկ թե ինչ է թաքցվում, մենք գիտենք,-նշել է Զախարովան: Մենք անընդհատ խոսում ենք դրա մասին»: