![](img/news/31/51/07/default.jpg)
Վալերի Պերմյակովին սահմանից մեքենայով Սահմանապահ ջոկատ հասցրած վարորդ Մամիկոն Հարությունյանը դատարանում ցուցմունք է տվել։
Վկայի խոսքով՝ ինքը անցյալ տարավ հունվարի 12-ի երեկոյան հերթապահ էր։ Կեսգիշերին մոտ հրաման էր ստացել մեքենան բերել շտաբի մոտ։ Գյումրիի սահմանապահ ջոկատի պետի տեղակալի, այն ժամանակ սահմանապահ ջոկատի պետի ժ.պ. գնդապետ Մերզլիկինի եւ ջոկատի այլ ներկայացուցիչների հետ շարժվել են Երազգավորսի ուղղությամբ։ Ճանապարհին նրանց կանգնեցրել է Ճանապարհային ոստիկանությունը։
Մոտեցել են սահմանին։ Ինքը մնացել է մեքենայի մեջ։ 15-20 րոպե անց բերել են ձերբակալվածին՝ ձեռքերն ու ոտքերը կապկպված։ Սահմանապահ ջոկատ են վերադարձել են սահմանի երկայնքով։ Այն բանից հետո, երբ ձերբակալվածին հանել են մեքենայից, Հարությունյանին ուղարկել են հերթապահությունը շարունակելու։
Պատասխանելով հարցին, թե ինչու են վերադարձել ոչ թե մայրուղով, այլ սահմանի երկայնքով, վկան ասաց, որ գնդապետ Մերզլիկինը նման հրաման էր տվել։