Թուրքիայի ղեկավարության հակառուսական դիրքորոշումը թույլ չի տալիս տեսանելի հեռանկարում երկկողմ հարաբերությունների կարգավորման հույս ունենալ: Այս մասին ասված է Ռուսաստանի 2015 թվականի արտաքին քաղաքական գործունեության մասին այդ երկրի ԱԳՆ-ի պատրաստած ամփոփագրում:
Գերատեսչությունում նշել են, որ Մոսկվայի հանդեպ Անկարայի թշնամական պահվածքը հանգեցրեց երկկողմ կապերի փաստացի սառեցման:
«Քաղաքական եւ ռազմական ոլորտում պայմանագրեր են չեղարկվում: Թուրքական ղեկավարության հակառուսական դիրքորոշումը թույլ չի տալիս տեսանելի հեռանկարում երկկողմ հարաբերությունների կարգավորման հույս ունենալ»,- ընդգծել են ռուսական ԱԳՆ-ում:
Ռուսաստանի եւ Թուրքիայի հարաբերություններում ճգնաժամ սկսվեց, երբ 2015 թվականի նոյեմբերի 24-ին թուրքական F-16 կործանիչը սիրիական սահմանի մոտակայքում խոցեց ռուսական Սու-24 ռմբակոծիչը:
