Հոլիվուդյան դերասան Օռլանդո Բլումը այցելել էԴոնբաս որպես ՅՈւՆԻՍԵՖ-ի բարի կամքի դեսպան, հայտնում է ուկրաինական «Վեստին»:
Դերասանն այցելել է Սվյատոգորսկ, Սլավյանսկ, Կրամատորսկ: Մասնավորապես Սլավյանսկում նա այցելել է թիվ 13 դպրոց, իսկ Կրամատորսկում՝ «Ֆիեստա» սրճարան, ասված է հաղորդագրության մեջ: Նախնական տեղեկություններով Բլումը մեկ շաբաթ էլ Կիեւում կանցկացնի:
39-ամյա բրիտանացի դերասան Օռլանդո Բլումը, որը հայտնի է «Կարիբյան ծովահենները», «Տրոյա», «Մատանիների տիրակալը» ֆիլմերում իր դերակատարումներով, 2007-ից սկսած աջակցում է ՅՈՒՆԻՍԵՖ-ին:
Այս տարիներին նա այցելել է Նեպալ, Բոսնիա ու Հերցոգովինա, Ռուսաստան ու Լիբերիա, Մակեդոնիա ու այլ երկրներ:
Սոցցանցերում Դոնբասի դպրոցների աշակերտները հրապարակել են դերասանի հետ լուսանկարներ ու տեսագրություններ։