Մեզ վստահեցնում են, որ «Արեւելյան գործընկերությունը» նախկինի պես չի օգտագործվի որպես տարածքներ նվաճելու եւ այդտեղ Ռուսաստանի ազդեցությունը կրճատելուն ուղղված աշխարհաքաղաքական նախագիծ: Իրականում ոչինչ չի փոխվել: Այս մասին շվեդական «Դագենս Նյուհեթեր» թերթին տված հարցազրույցում նշել է Ռուսաստանի ԱԳ նախարար Սերգեյ Լավրովը:
Հիշեցնելով, որ «Արեւելյան գործընկերությունը» նախաձեռնել է Շվեդիան՝ Լեհաստանի հետ միասին, Լավրովը նշել է, որ «կարծես դա ճիշտ ծրագիր է, որն ուղղված է տնտեսական համագործակցությանը, բիզնեսի վարման պայմանների համահարթեցմանը, մարդասիրական կապերին»:
«Մեզ հրավիրեցին, բայց մենք հարցրինք՝ իսկ ինչպիսի՞ պայմաններով: Պատասխանն, իհարկե, քաղաքավարի էր, բայց իմաստն այն է, որ պայմանները որոշում է Բրյուսելը: Մենք առաջարկեցինք փորձել այլ կերպ, վերցնել առանձին նախագծեր առանձին երկրներում եւ տեսնել՝ կարո՞ղ ենք մենք երեքով այնտեղ աշխատել՝ ԵՄ-ն Ռուսաստանն ու տանտեր երկիրը: Մեզ խոստացան առաջարկել համապատասխան նախագծեր եւ ոչինչ չառաջարկեցին: Հիմա էլ մեզ վստահեցնում են, որ «Արեւելյան գործընկերությունը» նախկինի պես պես չի օգտագործվի որպես տարածքներ նվաճելու եւ այդտեղ Ռուսաստանի ազդեցությունը կրճատելուն ուղղված աշխարհաքաղաքական նախագիծ, մինչդեռ իրականում ոչինչ չի փոխվել»,-ասել է Լավրովը՝ հավելելով, որ Ռուսաստանը չի համագործակցի այդ համատեքստում եւ «ձեռքերը ծալած չի նստի»:
«Մենք կխոսենք միայն որպես հավասար գործընկերներ: Երբ Եվրամիությունը հասուանան իրավահավասար հարգալից երկխոսության համար՝ առանց վերջնագրերի, առանց հարկադրանքի միջոցների, մենք միայն ուրախ կլինենք»,-ասել է Ռուսաստանի ԱԳ նախարարը:
