Հայաստանում նախկինում չի եղել դեպք, որ լրագրողները կուսակցություն ստեղծեն: Այս մասին NEWS.am-ի հետ զրույցում ասաց քաղտեխնոլոգ Կարեն Քոչարյանը՝ անդրադառնալով նրան, որ Գյումրիի «ԳԱԼԱ» հեռուստաընկերության լրագրողները կուսակցություն են հիմնում:
«Լրագրողները մասնակցել են ընտրություններին այլ կուսակցությունների կազմում, բայց որ ստեղծեն կուսակցություն, նման դեպք չգիտեմ: Սովորաբար կուսակցությունն է փորձում ունենալ լրատվամիջոց, այս պարագայում հակառակն է, լրատվամիջոցն է փորձում ստեղծել կուսակցություն: Տարբերակ է, որ տեսնենք, թե ինչ դուրս կգա այդ ամենից»,- ասաց Կարեն Քոչարյանը:
Նշենք, որ Գյումրիի «ԳԱԼԱ» հեռուստաընկերության 6 լրագրողներ «Գաղափարակից լիբերալների ալյանս» անվամբ կուսակցություն են հիմնում, որը կմասնակցի առաջիկա ՏԻՄ ընկերություններին:
