Ջավախքում ստեղծված իրավիճակը շտկելու համար անհրաժեշտ է ազատվել Վրաստանի Ազգային անվտանգության ծառայության կողմից ընտրված տեղական ինքնակառավարման մարմիններից։ Այս մասին այսօր՝ հունիսի 1-ին, NEWS.am-ի հետ զրույցում ասաց «Վիրք» չգրանցված կուսակցության համանախագահ Դավիթ Ռստակյանը:
«Մեր ժողովուրդը պետք է կարողանան ձեւավորել լեգիտիմ տեղական ինքնակառավարման մարմին, որը հանդես կգա ժողովրդի շահերից եւ Վրաստանի եւ Հայաստանի իշխանություններին կասի, թե ինչպես գործել ու վարվել այս տարածքում։ Հիմա ստացվում է , որ վրացիները ընտրում են իրենց ուզած մարդկանց, հետո էլ նրանց հրամցնում են Հայաստանի իշխանություններին եւ ասում՝ աշխատեք նրանց հետ։ Իսկ այս իշխանությունները երբեք ժողովրդի շահերից հանդես չեն գալիս, այլ իրենց հայատյաց քաղաքականությամբ շարունակում են Ջավախքի հայաթափությունը»,-ասաց Դավիթ Ռստակյանը։
