ՌԴ նախագահ Վլադիմիր Պուտինին ուղղված Թուրքիայի նախագահ Ռեջեփ Թայիփ Էրդողանի նամակը շարունակում է թուրքական հասարակության քննարկման թիվ մեկ թեման մնալ։
Իսկ սոցկայքերում Էրդողանի նամակի հետ կապված հեգնական արտահայտություններին ավելացել է նաեւ մի հին ու հիշյալ թեմայի հետ կապ չունեցող տեսագրություն, որտեղ ՌԴ նախագահը իր աշխատասենյակում մի թերթիկ է կարդում եւ պատառոտում այն։ Սոցկայքերում հիշյալ տեսագրությունը թուրք օգտատերերը վերնագրել են. «Ահա թե ինչ է անում Պուտինը Էրդողանի ուղարկած նամակի հետ»։
Նշենք, որ Պուտինին ուղղված Էրդողանի նամակի մեջ գրված է եղել. «Մեծարգո՛ պարոն Նախագահ։ Ամբողջ թուրք ժողովրդի անունից ի դեմս Ձեզ շնորհավորում եմ բոլոր ռուսաստանցիներին Ռուսաստանի օրվա առթիվ եւ մաղթում եմ, որ ապագայում Ռուսաստանի եւ Թուրքիայի միջեւ հարաբերությունները դուրս գան արժանի մակարդակի վրա»։
