![](img/news/33/54/15/default.jpg)
Թուրքիայի նախագահ Ռեջեփ Թայիփ Էրդողանը հույս է հայտնել, որ Ռուսաստանի ու Իսրայելի հետ հարաբերությունները դրական զարգացում կունենան: Այս մասին նա հայտարարել է մուսուլմանների համար սրբազան Ռամադան ամսվա ավարտի տոնի կապակցությամբ ժողովրդին ուղղված գրավոր ուղերձում, հայտնում է ՏԱՍՍ-ը:
«Մենք զարգացնում ենք կապերը Իսրայելի ու Ռուսաստանի հետ: Վերջին ժամանակներն արված դրական փոխադարձ քայլերը մեզ ապագայի հույս են տալիս»,- ասել է նա աիր ուղերձում: Նա նշել է,ո ր Թուրքիան «հաղթահարում է այն ճգնաժամերը, որոնք առաջացել են Սիրիայում առկա խնդիրների, ահաբեկչության ու արհեստական լարվածության հետեւանքով, ու նորից վերակագնում է իր հարաբերությունները» մյուս պետությունների հետ:
Անցած շաբաթ սկսվել է Թուրքիայի հարաբերությունների կարգավորումը Ռուսաստանի ու Իսրայելի հետ: Մոսկվայի հետ Անկարան լիարժեք ուղիղ շփումներ չուներ 2015-ի նոյեմբերից, երբ թուրքական ՌՕՈւ խոցեցին ռուսական «Սու 24»-ը Սիրիայի երկնքում: ՌԴ նախագահ Վլադիմիր Պուտինին Էրդողանի ուղարկած նամակի շնորհիվ, որում նա ներողություն է խնդրել օդանավին առնչվող միջադեպի համար, հուլիսի 1-ին Սոչիում կայացել են երկու երկրների արտգործնախարարների ուղիղ բանակցությունները:
Իսրայելի հետ հարաբերությունները վերջին 6 տարիներին նվազագույնի էին հասել, այն բանից հետո, երբ իսրայելական հատուկ նշանակության ջոկատը գրավել էր «Մավի Մարմարա» հումանիտար նավը, որը մտադիր էր ճեղքել Գազայի հատվածի շրջափակումը: Հունիսի 27-ին կողմերը հայտարարել են հարաբերությունների պաշտոնական կարգավորում սկսելու մասին: