Ռուսաստանն ու Թուրքիան պետք է նորից գործարկեն հատուկ ծառայությունների միջեւ տեղեկությունների փոխանակման աղբյուրները։ Այս մասին լրագրողներին ասել է ՌԴ նախագահի մամուլի խոսնակ Դմիտրի Պեսկովը, հայտնում է ՏԱՍՍ–ը։
«Վերջին ժամանակներս Թուրքիայի հետ տեղեկությունների փոխանակման աղբյուրները չէին աշխատում, հիմա պետք է դրանք ակտիվացնենք, վերագործարկենք»,– ասել է Կրեմլի ներկայացուցիչը։
Նրա կարծիքով տեղեկությունների փոխանակման աղբյուրների պարապուրդը եւս մեկ անգամ ընդգծեց, թե որքան կարեւոր են ինֆորմացիայի նման աղբյուրները։ Պեսկովը նման պատասխան է տվել Ստամբուլի ահաբեկչության մեջ ռուսաստանցիների մասնակցության մասին հարցին։
