![](img/news/33/62/78/default.jpg)
ՌԴ էներգետիկայի նախարար Ալեքսանդր Նովակը մոտ ժամանակներս սպասում է ՌԴ-ի եւ Թուրքիայի միջկառավարական հանձնաժողովների համանախագահների հանդիպման մասին պայմանավորվածությանը, հայտնում է «ՌԻԱ Նովոստին»:
«Թուրքիայում է գտնվում Լիխաչովը (ՌԴ տնտեսական զարգացման նախարարի առաջին տեղակալը), այնտեղ հանդիպում է տնտեսական զարգացման նախարարի հետ, եւ կարծում եմ, որ մոտ ժամանակներս պայմանավորվածություն կլինի միջկառավարական հանձնաժողովների համանախագահների միջեւ հանդիպում անցկացնելու մասին», — լրագրողներին հայտնել է Նովակը:
Հիշեցնենք, որ ՌԴ-ի նախագահ Վլադիմիր Պուտինն ավելի վաղ հրամանագիր էր ստորագրել, որը շտկումներ էր մտցնում Թուրքիայի հանդեպ հատուկ միջոցների մեջ: Անմիջականորեն չեղյալ է համարվում երկու սահմանափակում` դեպի Թուրքիա ուղեգրերի վաճառքից զերծ մնալու հանձնարարականը եւ չարթերային ավիափոխադրումների արգելքը: Մնացած սահմանափակումներն առայժմ ուժի մեջ են մնում, սակայն ՌԴ-ի կառավարությանը հանձնարարված է թուրքական կողմի հետ բանակցություններ անցկացնել եւ արդյունքում հատուկ միջոցների ժամկետների կամ բնույթի փոփոխման մասին առաջարկներ ներկայացնել: