Ucom ընկերության հովանավորությամբ Հայաստանի ազգային օլիմպիական հավաքականի երկրորդ խումբն այսօր՝ հուլիսի 26-ին, ուղեւորվել է դեպի այս տարվա օլիմպիական մայրաքաղաք՝ Ռիո դե Ժանեյրո։
Բռնցքամարտիկները՝ հավաքականի գլխավոր մարզիչ Կարեն Աղամալյանի, հրաձիգ Հրաչիկ Բաբայանը՝ գլխավոր մարզիչ Սեյրան Նիկողոսյանի ուղեկցությամբ, ինչպես նաեւ սպասարկող կազմի մի քանի անդամներ Երեւան-Դոհա-Ռիո չվերթով մեկնեցին գլխավոր սպորտային ստուգատեսին: Պատվիրակության հետ Ռիո մեկնեց նաեւ ծանրամարտի` Հայաստանի հավաքականի անդամ` Առաքել Միրզոյանը:
Մարզիկների հարազատների հետ միասին հայկական օլիմպիական թիմին ճանապարհելու էին եկել նաեւ ՀՀ սպորտի եւ երիտասարդության հարցերի նախարար՝ Գաբրիել Ղազարյանը եւ Ucom ընկերության գլխավոր տնօրեն՝ Հայկ Եսայանը:
«Ազգային օպերատորի աջակցությամբ Ռիո մեկնած ազգային օլիմպիական հավաքականի ելույթներին բոլորս ենք հետեւելու եւ համոզված եմ, որ շատերը վերադառնալու են բրոնզե, արծաթե եւ, անկասկած, ոսկե մեդալներով: Մենք հավատում ենք մեր մարզիկների տոկունությանը եւ միայն հաջողություն ենք մաղթում», - նշել է Ucom ընկերության գլխավոր տնօրեն Հայկ Եսայանը։
