Թուրքիայի նախագահ Ռեջեփ Թայիփ Էրդողանը պատմել է, թե ինչ թեմաների շուրջ է պատրաստվում զրուցել Ռուսաստանի նախագահ Վլադիմիր Պուտինի հետ: Այս մասին գրում է ՌԻԱ Նովոստին:
«Սանկտ Պետերբուրգում Ռուսաստանի նախագահի հետ ցանկանում եմ քննարկել տնտեսական համագործակցության եւ ռուսական օդանավի հետ կապված միջադեպից հետո հարաբերություններում առաջացած ճգնաժամի հետ կապված հարցեր»,- Անկարայում տնտեսական համաժողովի ժամանակ ունեցած ելույթում հայտարարել է Էրդողանը:
Երկու երկրների ղեկավարները հանդիպելու են օգոստոսի 9-ին: Վլադիմիր Պուտինի մամուլի խոսնակ Դմիտրի Պեսկովի խոսքով՝ թեմաների պակաս չի լինի: Նա հիշեցրել է, որ այս հանդիպումն առաջինն է երկու երկրների հարաբերությունների կարգավորումից հետո:
