Շատ քիչ ժողովուրդներ եւ երկրներ քաղաքական դաշտում իրենց նման պրիմիտիվություն թույլ կտային, ինչպիսին թույլ տվեց Թուրքիայի նախագահ Ռեջեփ Թայիփ էրդողանը։ Այս մասին օգոստոսի 9-ին կայացած մամուլի ասուլիսին ասել է ԱԺ պատգամավոր Արագած Ախոյանը՝ անդրադառնալով ռուս–թուրքական հարաբերությունների «ջերմացմանը»։
Նրա խոսքով՝ վերջին իրադարձությունները շատ անհասկանալի են։ «Մենք տեսանք, թե ինչպիսի հարաբերությունների մեջ էին Ռուսաստանն ու Թուրքիան 6 ամիս առաջ, եւ հանկարծ ամեն բան փոխվեց, նրանք «եղբայրներ» դարձան։ Այդ ամենն արդեն անընդունելի է դառնում, քանի որ պետք է կարողանաս դա անել»,– նշել է Ախոյանը եւ հավելել, որ Հայաստանը կարող է այդ «մերձեցումն» ուղղել հօգուտ իր շահերի։