![](img/news/34/14/26/default.jpg)
Ռուսաստանը Թուրքիայի իշխանություններին կաջակցեր հեղաշրջման փորձից հետո՝ անկախ Ռեջեփ Թայիփ էրդողանի ներողությունից: Այս մասին ասել է ՌԴ փոխարտգործնախարար Սերգեյ Ռյաբկովը «Մեժդունարոդնայա ժիզն» ամսագրին տված հարցազրույցում:
Նրա խոսքով՝ Ռուսաստանը ողջունում է երկկողմ հարաբերությունների կարգավորմանն ուղղված՝ նախագահ էրդողանի ձեռնարկած քայլերը: «Բառիս ուղիղ իմաստով ոչ մի օր չկորցնելով՝ մենք գնացինք հարաբերությունների կարգավորման ճանապարհով: Այնպիսի երկրները, ինչպիսիք են Ռուսաստանն ու Թուրքիան, որոնք անմիջական հարեւաներ են, իրենց ազդեցությունն են ունենում շատ գործընթացների վրա եւ չեն կարող բաց թողնել դրական հարաբերություններ կառուցելու շանսը: Անկարան անցյալ տարվա ողբերգական դեպքերից հետո ամեն դեպքում որոշակի եզրակացություններ է արել: Մենք ուրախ ենք դրա համար եւ հույս ունենք, որ առաջիկայում հարաբերությունների զարգացումը կշարունակվի»,- ասել է նա: