![](img/news/34/20/74/default.jpg)
Ռուսաստանը անկեղծ տրամադրված է Թուրքիայի հետ երկկողմ կապերի վերականգնմանն ու զարգացմանը։ Այս մասին ասել է ՌԴ նախագահ Վլադիմիր Պուտինը, փոխանցում է ՏԱՍՍ–ը։
«Մենք անկեղծ ձգտում ենք բարեկամ Թուրքիայի հետ հարաբերությունների լիակատար վերականգնմանը, մի երկիր, որի հետ մենք տարիներ շարունակ համագործակցության եւ փոխգործակցության յուրահատուկ հարաբերություններ ենք ունեցել»,– ասել է նա Ղազախստանի նախագահ Նուրսուլթան Նազարբաեւի հետ հանդիպման ժամանակ։
«Թուրքիայի նախագահ Ռեջեփ Թայիփ Էրդողանի այցը Ռուսաստան հաստատեց մեր երկկողմ տրամադրվածությունը լիարժեք աշխատանքի ոչ միայն երկկողմ կապերի վերականգնման, այլ նաեւ զարգացման համար»,– հավելել է Պուտինը։