Քալիֆորնիայում վրաերթի հետեւանքով հայ երիտասարդ է մահացել։
LA DailyNews-ի փոխանցմամբ, ոստիկանությունը պարզել է տղամարդու ինքնությունը, որը վրաերթի էր ենթարկվել եւ մահացել Շերման Օքսում։
Լոս Անջելես շրջանի քննչական ծառայության ներկայացուցիչ Էդ Ուինթերի փոխանցմամբ, մահացածը նույն քաղաքի 21-ամյա բնակիչ Արմեն Հախնազարյանն է։
Դեպքը տեղի է ունեցել օգոստոսի 23-ի երեկոյան, ժամը 9։10-ին։ Սեւ գույնի Հոնդա Սիվիք մակնիշի մեքենան անցել է Ռիվերսայդ Դրայվի եւ Թայրոն փողոցի խաչմերուկով, ղեկին 17-ամյա դեռահաս է եղել։ Վրաերթից անմիջապես հետո վարորդը կանգնել է եւ մնացել տեղում։
Հետիոտնը փողոցն անցել է չսահմանված վայրում։ Նա հարվածից տեղում մահացել է։ Դեռահասին մեղադրանք են առաջադրել եւ հանձնել ծնողների հսկողությանը։ Դեպքի կապակցությամբ քննությունը շարունակվում է։
