Այսօր՝ օգոստոսի 25-ին տեղի է ունեցել Հայ Ազգային Կոնգրեսի վարչության նիստ, որտեղ հաստատվել է Գյումրիում եւ Վանաձորում 2016թ. հոկտեմբերի 2-ին տեղի ունենալիք ընտրությունների մասնակցության հարցը: Վարչությունը որոշել է.
1. Ներկայացնել դիմում 2016թ. հոկտեմբերի 2-ին կայանալիք Գյումրիի եւ Վանաձորի ավագանիների ընտրություններին մասնակցելու վերաբերյալ,
2. Հաստատել Գյումրիի եւ Վանաձորի ավագանիների ընտրություններում Հայ Ազգային Կոնգրեսի ընտրական ցուցակները:
Գյումրիում Հայ Ազգային Կոնգրեսի ընտրական ցուցակը կգլխավորի «Շրջապատ» թերթի գլխավոր խմբագիր Սյուզի (Եպրաքսյա) Մեխակյանը, իսկ Վանաձորում` Կոնգրեսի Վանաձորի կառույցի ղեկավար, «Ներուժ» ՍՊԸ տնօրեն Ռուբեն Ոսկանյանը:
