Վրաստանի Ախալքալաքի շրջանի հայաբնակ Խանդո գյուղում օրերս տարեց կնոջ են սպանել:
NEWS.am-ի թղթակցի հետ զրույցում Վրաստանի խորհրդարանի պատգամավոր Հենզել Մկոյանը պատմեց, որ 79-ամյա կինը միայնակ էր բնակվում, նրա մահից հետո որդին վերադարձել էր Ռուսաստանից եւ պարզել, որ մորը սպանել են:
«Մոր մարմնի վրա որդին բռնության հետքեր է հայտնաբերել, մինչ այդ էլ պարզել է, որ տնից գողություն է կատարվել: Պարզվել է, որ տարեց կնոջը սպանել են, ոչ թե իր բնական մահով է մահացել»,- ասաց Հենզել Մկոյանը:
Դեպքով իրավապահ մարմիններն են զբաղվում: Դեռեւս ձերբակալվածներ կամ կասկածյալներ չկան: