News
Լրահոս
News
Երեքշաբթի
Հոկտեմբեր 24
Տեսնել լրահոսը


Մեծամորի բերդ-հնավայր տանող ճանապարհն անցնում է գեղատեսիլ Արարատյան դաշտով: Ամրոցը գտնվում է Երեւանից 35 կմ հեռավորության վրա՝ Մեծամոր գետի ափին եւ զբաղեցնում է հրաբխային բլրի ամբողջ մակերեսը:

Այս տարածքում պեղումները սկսվել են դեռ 1965-ին եւ որոշակի ընդհատումներով շարունակվում են մինչեւ օրս: Հնագիտական աշխատանքների ժամանակ բացահայտված մշակութային շերտերը վաղ, միջին եւ ուշ բրոնզի դարին եւ վաղ եւ ավելի ուշ շրջանի երկաթի դարին ու միջնադարին են պատկանում:

Հայտնաբերված արտեֆակտները պահվում են պատմահնագիտական թանգարանում, որը բացվել է 1968-ին ամրոցի տարածքում: Այսօր թանգարանում կա ավելի քան 22000 նմուշ: 

Գտածոների թվում, ինչպես ասում է ռեստավրատոր Տիգրան Զաքյանը, հատուկ տեղ են զբաղեցնում Բաբելոնի արքա Ուլամ Վուրարիշի (մ.թ.ա. 16 դար) գորտի տեսքով ագաթե կշռաքարը եւ կարմիր սարդիոնից կնիքը, որը պատկանում էր մեկ այլ բաբելոնյան արքայի՝ Կուրիգալզուին (մ.թ.ա. 15 դար):

Բացի այդ, թանգարանում պահվում է ամենահին ոսկյա զարդը, որը գտել են Հայաստանի տարածքում: Ենթադրվում է, որ դա մանկական մազակալ է:

Գտածոները վկայում են, որ Մեծամորը հնագույն ժամանակներից եղել է քարավանուղիների խաչմերուկ, որոնք անցնում էին Արարատյան դաշտով եւ կապում էին Առաջավոր Ասիան Հյուսիսային Կովկասին:

2013-ին հայ հնագետները Վարշավայի հնագիտական թանգարանի լեհ գործընկերների հետ համատեղ սկսեցին ամրոցի պարիսպների սահմաններից այն կողմ պեղումները:

Հնագիտական արշավի ղեկավար, Պատմական միջավայրի եւ թանգարան-արգելոցների պահպանության ծառայության փոխտնօրեն, պատմական գիտությունների դոկտոր Աշոտ Փիլիպոսյանը «Եվրոպական ժառանգության օրերի» բացման շրջանակներում ներկայացրել է ոսկուց եւ սարդիոնից շղթան, որը գտել էին մոտ 10 օր առաջ: Այս տարի պեղումներն ավարտվել են, նշեց նա:

Փիլիպոսյանի խոսքով՝ պեղումների ժամանակ հայտնաբերվել են մի քանի սենյակ, որոցում երեւում են հրդեհի հետքեր: Դրանցից մեկում մի քանի մեծ անոթ է հայտնաբերվել: Բացի այդ, հնագետները պեղել են մի քանի կմախք, որոնցից մեկը՝  6-ամյա երեխայի:

Հայտնաբերված կմախքներից մեկը հատկանշական է նրանով, որ գլխատված է եղել, իսկ նրա ձեռքում կուժ է եղել: Ակնհայտ է, որ դրա տերը մահացել է բռնի մահով: Ամրոցի տարածքում չուսումնասիրված շատ բաներ են մնացել, սակայն դա ժամանակի եւ ֆինանսավորման հարց է, եզրափակում է Զաքյանը:

Գլխատված կմախքի ձեռքում հայտնաբերված կուժը

Լուսանկարներն՝ Արսեն Սարգսյանի\NEWS.am

 

 

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջ
«Հայի աչքերով»․ Իռլանդացիները կատակասերներ են. Էլ ո՞վ կարող էր քվեարկել, որ «հնդկահավը» ներկայացնի իրենց երկիրը
Վահան Ստեփանյանը մեկ տարի ապրել է Իռլանդիայում...
«Հայի աչքերով»․ Ավստրալացիներն անկեղծորեն կարծում են, որ հենց կենդանիներն են Երկրի տերերը (ֆոտո)
Դիանա Հակոբյանը 2 տարի ապրել է Թաունսվիլում ու հասկացել է մեկ բան...
Անավարտ պատերազմում ընկածների հիշատակին (մաս 6)
4 օր հայ զինծառայողները երկարատեւ եւ թեժ մարտերում կպաշտպանեն մեր անվտանգությունը, մեր հողերը...
«Հայի աչքերով». Դուբայում եւ Աբու Դաբիում որոշ բանկոմատներ ոսկու ձուլակտորներ են տալիս (Ֆոտո)
Աննա Ղազարյանը արդեն 4 տարի ապրում և աշխատում է Աբու Դաբիում...
Անավարտ պատերազմում ընկածների հիշատակին (մաս 5)
4 օր հայ զինծառայողները երկարատեւ եւ թեժ մարտերում կպաշտպանեն մեր անվտանգությունը, մեր հողերը...
«Հայի աչքերով». Կարեւոր էր Ցեղասպանության թեմայով մագիստրոսական ատենախոսությունը հենց Թուրքիայում պաշտպանել
Մեր ամենամեծ մոլորությունը այն համոզմունքն է, որ բոլոր թուրքերը Հայոց ցեղասպանության մասին լավ իրազեկված են...
Ամենաշատ
Partner news