Եգիպտոսի իշխանությունները մտահոգություն են հայտնել սոցիալական ցանցերում տարածված տեսանյութի կապակցությամբ, որը նկարահանվել է Շարմ էլ Շեյխ հանգստավայրում՝ Կարմիր ծովում: Տեսանյութում երեւում է, թե ինչպես են դայվեր զբոսաշրջիկները ծովում հետապնդում մեծ շնաձկանը: Այս մասին հայտնում է «Յաում 7» պորտալը՝ վկայակոչելով շրջակա միջավայրի պաշտպանության նախարար Խալեդ Ֆահմիին:
«Այդ շնաձուկը վտանգավոր է մարդու համար, նրա հետ խաղ անել չի կարելի: Այն, ինչ մենք տեսնում ենք տեսանյութում, առնվազն անխոհեմություն է»,- ասել է նախարարը:
Նա նաեւ նշել է, որ շնաձուկը պատկանում է երկարաթեւ շնաձկների տեսակին (oceanic white tip shark), որոնք վտանգավոր են մարդկանց համար եւ շատ ագրեսիվ են: