Սեպտեմբերի 23-ին Երեւանի Բաշինջաղյան փողոցից գլխի շրջանում դանակի վնասվածքով 51-ամյա տղամարդ էր տեղափոխվել հիվանդանոց: Պարզվել է, որ տուժողը տաքսու վարորդ էր, որը վնասվածքը ստացել է ուղեւորի եղբորից:
Ըստ վարորդի` ուղեւորը օգտվել է տաքսի ծառայությունից, սակայն տեղ հասնելուն պես հրաժարվել է գումարը վճարել: Երբ վարորդը պահանջել է, ուղեւորը հայհոյել է նրան, ապա թքել վրան: Երբ վարորդը վեճի է բռնվել, նրանց է մոտեցել ուղեորի եղբայրը` դանակը ձեռքին: Դա նկատելով` վարորդը նստել է մեքենան, որ հեռանա: Այդ ընթացքում մեքենայի պատուհանից հաջողացրել է դանակով հարվածել վարորդին: Վերջինս գլխի շրջանում վնասվածքով տեղափոխվել էր հիվանդանոց:
Տուժողին հարվածներ հասցնողը, պարզվել է, Սարի թաղի 34-ամյա բնակիչն է, որը հայտարարել է, որ նախկինում 12 անգամ դատապարտվել է: Նշված դեպքով նախաքննություն է կատարվում: