![](img/news/34/95/21/default.jpg)
Եվրախորհրդարանի նախագահ Մարտին Շուլցը քննադատել է Եվրամիության ներսում փախստականների տեղաբաշխման հարցով Հունգարիայում հոկտեմբերի 2-ին անցկացվող հանրաքվեն: Այս մասին հաղորդում է DW-ն:
Ըստ նրա՝ պայմանավորվածության համաձայն, Հունգարիան պետք է ընդամենը շուրջ 1300 փախստականի ընդունի: «Այդ հարցով հանրաքվե անցկացնելը վտանգավոր խաղ է»,- հայտարարել է Մարտին Շուլցը՝ հավելելով, որ քվեարկությունը նախաձեռնած վարչապետ Վիկտոր Օրբանը «կասկածի տակ է դնում եվրոպական օրենսդրության իրավաչափությունը»:
Նա չի բացառել ֆինանսական հետեւանքների հնարավորությունը ԵՄ այն երկրների համար, որոնք համերաշխություն չեն ցուցաբերում միգրացիոն ճգնաժամի պայմաններում: