ՀՀ Տրանսպորտի, կապի ու տեղեկատվական տեխնոլոգիաների նախարարությունը կկազմի հանրապետության ճանապարհների թվային քարտեզը։ Այս մասին հոկտեմբերի 5-ին խորհրդարանում կառավարական ժամի ընթացքում հայտնել է նախարար Վահան Մարտիրոսյանը՝ պատասխանելով «Օրինաց երկիր» խմբակցության պատգամավոր Իշխան Խաչատրյանի հարցին։
Հիմա նախարարությունը ճանապարհային նշանների մոնիտորինգ է անցկացնում ու պարզում, թե որտեղ է զգացվում դրանց պակասը։ «Մենք դրանց տեղադրման ծրագիրը կներկայացնենք ճանապարահաշինության ու վերանորոգման ընդհանուր ծրագրի շրջանակում»,- պարզաբանել է նախարարը։