Երեւանի բնակիչ Արտուշ Մելքոնյանը բերման է ենթարկվել գողությւոն կատարելու կասկածանքով: Ոստիկանություն ահազանգած կինը հայտնել է, որ Ազատության պողոտայում որդու հետ նստել է երթուղային տաքսի եւ մի կանգառ էլ չի հասցրել անցնել, երբ նկատել է, որ դրամապանակը չկա:
«Շատ դժվարությամբ նստեցինք, որոշակի հրմշտոց կար, այդ տղամարդը շատ էր հետ ու առաջ գնում: Իր այդ շարժումները կասկած հարուցեցին իմ մեջ, անցա մի հանգիստ կողմ, բացեցի պայուսակս եւ տեսա, որ դրամապանակս չկա: Մոտեցա այդ տղամարդուն, ասացի՝ դուք եք գողացել դրամապանակը, խնդրում եմ վերադարձրեք, բայց ասաց ինքը չի արել»,-ոստիկանությունում պատմել է տուժողը:
Պարզվել է, որ գողությունը կատարել է Երեւանի Էրեբունի վարչական շրջանի բնակիչ Արտուշ Մելքոնյանը: Նա առաջին անգամ չէ, որ ոստիկանների ուշադրության կենտրոնում է հայտնվել: Տղամարդը խոստովանել է, որ ինքն է գողացել կնոջ դրամապանակը, պարունակությունը յուրացրել ու դեն նետել: