Ես այն մարդկանցից մեկն եմ, որը միշտ եւ հավիտյան հույս ունեմ, որովհետեւ Հայաստանը պետություն է եւ պիտի էդպես միջազգային արենայում միշտ առաջ քայլի: Այս մասին, այսօր՝ հոկտեմբերի 24-ին, ԱՇ-ում լրագրողների հետ զրույցում նշել է ԱԺ նախագահ Գալուստ Սահակյանը՝ անդրադառնալով հարցին, թե արդյոք հավատում է, որ նոր վարչապետի գլխավորությամբ հնարավոր կլինի երկրում փոփոխությունների հասնել:
«Ցանկացած կառավարություն Հայաստանում լինի, թե դրսում, առաջին գործոններից մեկը կոռուպցիայի դեմ պայքարն է: Սա նորություն է մեզ համար, որովոհտեւե մեր ժողովուրդը միշտ խոսում է այդ մասին, եւ շատ լավ կլինի, եթե ինչ-որ գործեր բացվեն, եթե այդպիսիք կան»,-ասաց նա:
Անդրադառնալով Հայաստանում մենաշնորհների առկայությանը,. Գալուստ Սահակյանն ասաց. «Մենաշնորհը ցանկալի երեւույթ է պետության համար, բոլոր երկրներում է այդպես: Բայց այդ մենաշնորհը պետք է իրական լինի, ոչ թե այստեղ-այնտեղ ինչ-որ մի բան անելով դարձնել մենաշնորհներ: Իհարկե, պետության մեջ խնդիրներ կան, ապրանքներ կան, որոնք մենաշնորհով պետք է գնան, եւ դա միայն Հայաստանում չէ: Այստեղ խնդիրը ոչ թե մենաշնորհների դեմ պայքարն է, այլ այն, որ մենաշնորհները ճիշտ առաջանան»:
Դիտարկմանը, որ հարցը ոչ թե բնական մենաշնորհներն են, այլ այնպիսի ապրանքների, ինչպիսիք են բանանը, շաքարը եւ այլն, Գալուստ Սահակյանն արձագանքեց. «Հայաստանը փոքր երկիր եւ եթե այդ ուղղությամբ մենաշնորհ էլ լինի, հնարավոր է, բայց ճիշտ ճանապարհով լինի»:
