Հոկտեմբերի 11-ին, ժամը 16.15-ի սահմաններում, ոստիկանության Դիլիջանի բաժին էր զանգահարել քաղաքի բնակչուհիներից մեկը եւ հայտնել, որ ամուսինը վիճաբանում է ընտանիքի անդամների հետ:
Կինը ոստիկանություն է հրավիրվել եւ պատմել մանրամասները. «Եկավ տուն, ես էլ գործ էի անում: Տեսա, հունից դուրս եկավ, մոր վրա գոռաց, ասեց՝ այս այլմոլորակայինը թող չմնա էստեղ, թող գնա: Հետո մերը վրեն գոռաց, ինքը գնաց: Ասում էի՝ կարո՞ղ ա նորից գա, ինձ սպառնա, իր ծնողին սպանի, մի բան անի: Ես էթլ առիթից օգտվելով զանգեցի ոստիկաններին: Ոստիկանները եկան, ինքն ասեց՝ գնացեք, կսպանեմ ձեզ»:
Դեպքի վայր ժամանած ոստիկանները պատմել են, որ իրենք գնացել են նշված տուն, իրենց է մոտեցել կնոջ ամուսինը՝ Արմեն Հ.-ն, հայհոյանքներ տեղացել ոստիկանների հասցեին, բարձրացել է երկրորդ հարկ, միացրել բենզասղոցը, մոտեցել ոստիկաններին եւ սպառնացել «փրթել»:
Ոստիկաններից մեկը բարձրացել է ծառի բնի վրա եւ մեկ անգամ նախազգուշական օդ կրակել: Ի վերջո, երեք ոստիկաններին հաջողվել է վնասազերծել տանտիրոջը:
Արդեն ոստիկանության բաժնում Արմեն Հ.-ն նշել է, որ նախկինում ազատազրկվել է սպանության փորձի համար:
Պատմելով հոկտեմբերի 11-ի դեպքը, նա նշել է. «Անտանելի ձեւով խմած էի: Գարյաչկի տակ ոստիկանների հետ վիճաբանության մեջ եմ մտել, ձեռքիս «դրուժբա» է եղել»:
Առավել մանրամասն՝ տեսանյութում: