Ոստիկանությունը ներկայացրել է Հանրապետությունում հոկտեմբերի 25-ից 26-ի օպերատիվ իրավիճակը:
Ինչպես հայտնում են ոստիկանության լրատվական ծառայության, ըստ օպերատիվ հաղորդագրությունների ամփոփագրերի՝ հոկտեմբերի 25-ից 26-ը հանրապետությունում արձանագրված մարմնական վնասվածք հասցնելու 5 դեպքերն էլ բացահայտվել են:
Բացահայտվել է գողության՝ 5, խարդախության՝ 5, յուրացման կամ վատնման՝ 3, թմրանյութի հայտնաբերման եւ ապօրինի ծառահատման 1-ական դեպք:
Նախկինում կատարված հանցագործություններից բացահայտվել է գողության՝ 3, մարմնական վնասվածք հասցնելու՝ 2 եւ խարդախության 1 դեպք։
Անցած 1 օրվա ընթացքում հանրապետությունում արձանագրվել է ճանապարհատրանսպորտային 11 պատահար, ինչի հետեւանքով 16 մարդ ստացել է տարբեր աստիճանի մարմնական վնասվածքներ:
