Սիրիայում արյունահեղությունը դադարեցնել ու քաղաքական գործընթաց սկսել դեռ չի հաջողվում, հայտնել է ՌԴ նախագահ Վլադիմիր Պուտինը «Վալդայ» միջազգային բանավեճային ֆորումի լիագումար նստաշրջանի ժամանակ, փոխանցում է «Ինտերֆաքսը»։
Նա նաեւ հայտնել է ԱՄՆ նախագահի հետ անձնական պայմանավորվածություների ձախողման մասին; «Թվում էր, թե երկարատեւ բանակցություններից, հսկայական ջանքերից ու բարդ փոխզիջումներից հետո վերջապես ձեւավորվել է ահաբեկչության դեմ պայքարի միասնական ճակատ, սակայն դա տեղի չի ունեցել։ Ձախողվեցին նաեւ ԱՄՆ նախագահի հետ մեր անձնական պայմանավորվածությունները»,- հավելել է Պուտինը։