Թեքսասի համալսարանի ուսանողուհին բախվել է պարեկային մեքենային, երբ մեքենան վարելիս փորձում էր մերկ կրծքով սելֆի անել ու լուսանկարը իր բոյֆրենդին ուղարկել։ Ոստիկանները  նրա մեքենայում մի շիշ բացած գինի են գտել, հայտնում է Reuters–ը։

Վթարի մեղավորը 19-ամյա Միրանդա Ռեյդերն է ։ Ոստիկանը հարցրել էր աղջկան, թե ինչու է նա մեքենան վարում առանց վերնազգեստի։ Ռեյդերն էլ պատասխանել էր, որ փորձում էր Snapchat–ի միջոցով լուսանկարն ուղարկել իր բոյֆրենդին։

Ականատեսների խոսքով մինչև ոստիկանական մեքենային բախվելը աղջիկը վտանգավոր մանևրներ էր անում ճանապարհին։

Ոգելից խմիչքի գործածման թեստը աղջիկը ձախողել է։ Նրան կալանավորել են անսթափ վիճակում մեքենա վարելու համար, իսկ ավելի ուշ ազատ են արձակել երկու հազար դոլար գրավով։