Apple-ը հրաժարվել է հրապարակել 2016 թվականին գովազդի վրա ծախսված գումարի չափը, գրում է Business Insider-ը:
Ընկերությունը գովազդի վրա ծախսված գումարը ներառել է «կոմերցիոն, ընդհանուր եւ ադմինիստրատիվ ծախսերի»(SG&A) մեջ: Հայտնի է նաեւ, որ SG&A ծախսերը 2016 թվականին կրճատվել են 1%-ով եւ կազմում են 14,1մլրդ ԱՄՆ դոլար:
2016 թվականի հաշվետվության մեջ SG&A-ի ծախսերի կրճատումը Apple-ը բացատրում է հայեցողական եւ գովազդի ծախսերի կրճատումով:
Հիշեցնենք, որ 2015 թվականին Apple-ի ծախսերը 50%-ով աճել էին եւ հասել ռեկորդային 1,8 մլրդ ԱՄՆ դոլարի: Ինչպես նշում է Wells Fargo-ն, այժմ, երբ ընկերությունը հրաժարվում է հրապարակել գովազդի վրա ծախսվող գումարի չափը, դժվար կլինի հաշվել, թե եկամուտի որ բաժինն է ընկնում այդ ծախսեր փակման վրա:
Business Insider-ը նշում է նաեւ, որ ընկերությունները պարտավոր չեն հրապարակել գովազդի վրա ծախսվող գումարի չափը SG&A բաժնում: Բազմաթիվ ընկերություններ այդպես էլ անում են՝ չցանկանալով մրցակիցներին բացահայտել այդ տվյալները:
